आंबेडकर जयंती निमित्त देण्यात येणाऱ्या पुरस्काराबाबत प्रस्ताव सादर करण्यास मुदतवाढ

सातारा, दि.10 : सातारा जिल्हा परिषदेमार्फत भारतरत्न डॉ. बाबासाहेब आंबेडकर यांच्या जयंती निमित्त दलित, मागास, उपेक्षित कष्टकरी वर्गाचे सामाजिक शैक्षणिक प्रबोधन करणाऱ्या संस्थेस पुरस्कार देऊन सन्मानित करण्यात येते. सदर पुरस्काराचे प्रस्ताव दाखल करण्यासाठी १९ मे पर्यंत मुदतवाढ देण्यात आलेली आहे. संस्थानी सादर करावयाच्या प्रस्तावाच्या नमुन्याच्या प्रती शिक्षणाधिकारी प्राथमिक यांच्या कार्यालयात उपलब्ध आहेत. प्रस्ताव दाखल करणाऱ्या संस्थाकडे पोलिस अधीक्षक यांचा चारित्र्यपडताळणी दाखला असणे आवश्यक आहे. संस्थेची निवड छाननी समितीद्वारे प्रस्ताव तपासुन करण्यात येईल, संस्थानी आपले परिपुर्ण प्रस्ताव मुदतीत १९ मे रोजी सायंकाळी ६.१५ वाजेपर्यंत सादर करण्याचे आवाहन शिक्षणाधिकारी प्राथमिक शबनम मुजावर यांनी केले आहे.